ОДДЕЛ ЗА СЕРОЗНИ МЕНИНГОЕНЦЕФАЛИТИСИ, ЕНЦЕФАЛИТИСИ, ТУБЕРКУЛОЗЕН МЕНИНГИТИС И ДРУГИ ИНФЕКЦИИ НА ЦНС И ПАРАЛИТИЧНА БОЛЕСТ

Одделот се бави со дијагностицирање и лекување на пациенти со вирусни менингитиси, енцефалитиси, туберкулозен менингитис, паралитична болест и други инфекции на ЦНС со бистар ликвор. Во склоп на одделот се врши цитоимунолошка проценка на ликворниот синдром.

ОДДЕЛ ЗА ЗООАНТРОПОНОЗИ, ТРОПСКИ БОЛЕСТИ И НЕЈАСНИ ФЕБРИЛНИ СОСТОЈБИ

Во рамките на одделот за зооантропонози, тропски болести и нејасни фебрилни состојби функционира и Кабинет за дијагностичка дигестивна ендоскопија.

ОДДЕЛ ЗА БАКТЕРИСКИ ИНФЕКТИВНИ БОЛЕСТИ НА ЦЕНТРАЛЕН НЕРВЕН СИСТЕМ

Одделот за бактериски инфективни болести на централен нервен систем главно се занимава со дијагноза и лекување на пациенти со пурулентни менингитиси, а воедно функционира и како оддел за постинтензивна нега. Во склоп на Одделот се обавува и методата за цитоимунолошка проценка на ликворниот синдром.

ОДДЕЛ ЗА РЕСПИРАТОРНИ ИНФЕКТИВНИ БОЛЕСТИ

Главна задача на Одделот за респираторни инфективни болести е дијагноза и лекување на пациенти со бактериски, вирусни и други инфекции на дишните патишта. Во склоп на одделот работи и кабинетот за инхалациона терапија.

ОДДЕЛ ЗА ВИРУСНИ ХЕПАТИТИ

Одделот за вирусни хепатитиси дијагностицира и лекува пациенти со акутни и хронични вирусни хепатитиси. Во склоп на Одделот работи и Кабинетот за морфолошка проценка на црнодробните заболувања.

ОДДЕЛ ЗА ИСИПНИ ИНФЕКТИВНИ БОЛЕСТИ

Одделот за исипни инфективни болести овозможува имунолошка дијагностика и лекување на болни со исипни трески.

ОДДЕЛ ЗА ХИВ-СИДА И ОСТАНАТИ СТЕКНАТИ ИМУНОДЕФИЦИЕНТНИ СОСТОЈБИ

Одделот за ХИВ/СИДА се грижи за лекувањето, дијагнозата и следењето на пациентите со ХИВ инфекција. Во склоп на одделението работи кабинетот за психо-социјална поддршка на луѓе кои живеат со ХИВ/СИДА и кабинет за доброволно, доверливо советување тестирање на ХИВ.

ОДДЕЛ ЗА УРГЕНТНА ИНФЕКТОЛОГИЈА И ИНТЕНЗИВНА НЕГА

Овој оддел е оформен во 1957 година кога главно се овозможувала респираторна поддршка на пациенти со полиомиелитис и менингоенцефалитис. Денес Одделот за интензивна нега располага со кревети сместени во посебни боксови со цел за намалување на ризикот за интрахоспитално ширење на инфекциите како и две простории со негативен притисок за лекување на болни од високо контагиозни болести. Единицата за интензивна нега овозможува 24-часовно мониторирање и лекување на критично болни пациенти со различни инфективни болести.

ОДДЕЛ ЗА ФЕБРИЛЕН ИНФЕКТИВЕН ИКТЕР

Одделот за фебрилен инфективен иктерус лекува деца со вирусни хепатитиси и други инфективни болести со иктерус кај деца.

ОДДЕЛ ЗА ЛАБОРАТОРИСКА И ЕТИОЛОШКА ДИЈАГНОСТИКА

Основната дејност на Одделот за лабораториска и етиолошка дијагностика е примена на најсовремени лабораториски методи и техники, при поставување дијагноза на инфективните заболувања. Одделот за лабораториска и етиолошка дијагностика располага со најсовремена лабораториска опрема и искусен тим составен од 16 вработени. Во Одделот се изведува комплетна и сеопфатна дијагностика во областа на инфективните заболувања и пошироко. Во интерес на континуираното следење и контрола на квалитетот во работата и перформансите на лабораториските испитувања за хематолошките, биохемиските, имунолошките, микробиолошките и молекуларно дијагностичките анализи, Одделот е вклучен во меѓународните програми за екстерна оценка на квалитет.

Прим. д-р Весна Семенакова – Цветковска
- Специјалист по медицинска биохемија в.д. раководител на оддел

Д-р Георги Ефтимовски – специјалист микробиолог

ПОВЕЌЕ

ОДДЕЛ ЗА ЦРЕВНИ ИНФЕКТИВНИ БОЛЕСТИ

Одделот е составен од отсек за третман на акутни и хронични цревни инфекции како и отсек за доенечки цревни инфекции. Во рамките на одделот работи и кабинет за паразитарна цревна дијагностика и проценка на метаболните нарушувања.

ОДДЕЛ ЗА СПЕЦИЈАЛИСТИЧКО-КОНСУЛТАТИВНА И СУБСПЕЦИЈАЛИСТИЧКА ДЕЈНОСТ

Одделот за специјалистичко-консултативна и субспецијалистичка дејност е составено од отсек за консултативно специјалистичка амбуланта за акутни и хронични инфективни болести, приемно тријажен и отсек за вакцинопрофилакса. Одделот располага со 6 супспецијалистички амбуланти.

БОЛНИЧКА АПТЕКА

Одговорно лице: медицинска сестра Лилјана Стојановска